Saturday, May 20, 2017

நாடகம்

நாடகம்

நடு வயதைக் கடந்தவர்கள்
நடிக்கின்றார் நாடகத்தில்
அவர் போடும் அரிதாரம்
வயதான முதியோராம்

முதியோராய்க் காட்ட அவர்
அடிக்க வேண்டும் வெள்ளைமை
அதை நினைக்கப் பொங்கிடுதே
அடக்க வொண்ணாப் பெருநகை

ஏற்கனவே நரைத்து விட்ட
தாடி தலை மீசையெல்லாம்
கறுப்படித்து வைத்திருக்கும்
அரைக் கிழவரெல்லாமே
அதற்குமேல் அடிக்கின்றார்
வெள்ளை நிறச் சாயந்தான்

நாடகத்துள் நாடகமா
வாழ்க்கையே நாடகமே
வந்து பாரீர் வந்து பாரீர்
நடிகமணி அலங்காரம்

No comments: